Visjon og verdiar

Visjonen vår

Jesus til alle,

frå ei meinigheit som vil dele ut sjenerøst, 

både åndeleg og timeleg,

ved å skape ein blomstrande oase

for alle generasjonar.

Jesus i sentrum - #jesusisentrum

Verdiane våre

Vinne

Vi vil vinne menneske for Jesus.
Med kjærleik, tru og frimod deler vi evangeliet, slik at flest mogleg får møte nåden og livet i Kristus.

Bevare

Vi vil bevare menneske i trua.
Gjennom fellesskap, omsorg og forankring i Guds ord hjelper vi menneske å vekse og bli ståande i livet med Jesus.

Utruste

Vi vil utruste alle generasjonar.
Ved opplæring, disippelgjering og praktisk teneste utrustar vi kvar einskild til å leve heile livet for Gud – i kvardag og teneste.

Sende ut

Vi vil sende ut disiplar.
Lokalt, nasjonalt og globalt sender vi menneske ut i teneste, utrusta til å dele Jesus med ord og handling.

Dei fire B‑ane i Bibelen

Vi arbeider etter dei fire B‑ane slik dei kjem til uttrykk i Apostelgjerningane 2;

Brorskap - Bønn - Brødsbryting - Bibel

Desse dannar grunnlaget for livet i meinigheita vår, og er utgangspunktet for den nye logoen som Ingrid Øvrebøe har designa;

Brorskap

Vi vil vere eit inkluderande og omsorgsfullt fellesskap.
I brorskapet delar vi liv, glede og utfordringar. Vi står saman, ser kvarandre og ber kvarandre – på tvers av alder og livssituasjon.

Bønn

Vi vil vere ei bedande meinheit.
I bønn søkjer vi Gud, deler byrder, takkar for det han gjer og lyttar etter hans leiing. Bønn er grunnlaget for alt vi gjer – både som enkeltmenneske og som fellesskap.

Brødsbryting

Vi vil leve i takksemd og fellesskap kring Jesu verk.
I nattverden og måltidsfellesskapet minner vi kvarandre om Jesu offer, nåden vi lever av, og det fellesskapet vi er kalla inn i.

Bibel

Vi vil leve rotfesta i Guds ord.
Bibelen er rettesnor for tru, liv og forkynning, og hjelper oss å bli forma til likskap med Jesus. Gjennom undervisning og personleg bibellesing søkjer vi sannheit, visdom og retning for kvardagen.